Award Verification Number (AVN) NACTVET
Mfumo wa Uhakiki wa Tuzo za NACTVET (NAVS)
Baraza la Taifa la Elimu ya Ufundi na Mafunzo ya Ufundi Stadi (NACTVET) limeanzisha Mfumo wa Uhakiki wa Tuzo uitwao NAVS kwa ajili ya kusaidia wanafunzi waliohitimu Stashahada (Diploma) kujiunga na vyuo vya elimu ya juu kwa urahisi.
Mfumo huu unafanya kazi kwa njia mbili:
Kwa Wanafunzi Waliohitimu Diploma (NTA Level 6)
- Wanafunzi wanaotaka kujiendeleza na kujiunga na Shahada ya Kwanza (Bachelor’s Degree) wanaweza kutumia mfumo huu kuhakiki sifa zao na kusasisha taarifa zao kwenye mfumo.
- Baada ya uhakiki, watapewa namba ya kipekee ya utambulisho iitwayo Award Verification Number (AVN) ambayo hutumiwa wakati wa maombi ya udahili.
Kwa Vyuo vya Elimu ya Juu
- Vyuo vinaweza kutumia mfumo huu kupata taarifa za waombaji wenye sifa zinazolingana na Stashahada moja kwa moja kupitia Institution Panel au API ya NAVS.
- Hii hurahisisha mchakato wa kuwapokea waombaji kutoka chanzo kimoja cha uhakika.
Kupata Award Verification Number (AVN)
Ikiwa wewe ni mhitimu wa Diploma na unataka kuomba namba ya AVN kwa ajili ya udahili, bofya hapa kuanza maombi.