Maombi ya Leseni za Uuguzi na Ukunga (TNMCIS)- 2025

Maombi ya Leseni za Uuguzi na Ukunga 2025 Mfumo wa Baraza la Wauguzi na Wakunga Tanzania (TNMCIS) ni jukwaa la kidijitali linalotumika kushughulikia huduma mbalimbali za usajili na leseni kwa wauguzi na wakunga nchini Tanzania. Kupitia mfumo huu, watumiaji wanaweza kufanya maombi kama vile kuhuisha leseni, usajili wa muda, usajili wa awali, na huduma za uthibitisho.

Msaada unapatikana kwa kupiga simu siku za kazi kuanzia saa 2:00 asubuhi hadi saa 10:00 jioni. Tafadhali angalia jedwali lifuatalo kwa namba husika za msaada kulingana na aina ya huduma unayotaka.

Jedwali la Msaada (Help Desk)

Aina ya Maombi	Namba ya Simu ya Msaada
Kuhuisha Leseni, Usajili wa Awali, Usajili wa Muda, na Uthibitisho	0736 006 060
Mtihani wa Leseni, Indexing, na Transcript	0736 006 060

Maelekezo ya Usajili na Kuingia kwenye Mfumo

• Kwa wanachama wapya/watoa huduma wapya: Unapaswa kujisajili kwenye mfumo kwa kujaza taarifa zako binafsi, mawasiliano, na taarifa za kuingia kama inavyoelekezwa kwenye fomu ya usajili. Bonyeza kiungo kilicho chini ya fomu ya kuingia au bonyeza hapa kujisajili.
• Kwa wanachama waliokwisha jisajili: Ingia kwenye mfumo kwa kutumia taarifa zako za kuingia kama ulivyoweka wakati wa usajili.

Hapo chini ni maelekezo ya jumla na huduma mbalimbali zinazopatikana kupitia mfumo wa Baraza la Wauguzi na Wakunga Tanzania (TNMCIS). Kumbuka, kila mwombaji anatakiwa kujisajili mara moja tu. Endapo utapata changamoto yoyote, wasiliana na Help Desk kwa namba husika kama ilivyoainishwa kwenye jedwali.

Maelezo ya Maombi na Namba za Msaada (Help Desk)

AINA YA MAOMBI	MAELEZO
Kujisajili kwenye Mfumo	Tafadhali tengeneza akaunti mara moja tu. Kama tayari una akaunti, bonyeza BACK juu ya ukurasa ili uingie kwa kutumia taarifa zako.
Kuhuisha Leseni (Licence Renewal)	Watoa huduma wote waliosajiliwa wanapaswa kuingiza taarifa zao ili kuhuisha leseni. Inahusu wauguzi waliojiandikisha na wana namba ya leseni.
Mtihani wa Leseni (Licensure Examination)	Wauguzi waliomaliza mafunzo yao katika vyuo vinavyotambuliwa wanapaswa kufanya na kufaulu mtihani wa leseni unaoendeshwa na TNMC.
Indexing	Kwa wanafunzi wa uuguzi na ukunga wanaotakiwa kufanya maombi ya indexing. Tengeneza akaunti yako binafsi na pakia nyaraka muhimu.
Usajili wa Awali (Provisional Registration)	Kwa wahitimu wa shahada ya kwanza wanaotaka kufanya internship. Tengeneza akaunti binafsi na pakia nyaraka zinazohitajika, utapewa maelekezo ya kupata namba ya malipo.
Usajili wa Muda (Temporary Registration)	Soma mahitaji ya maombi kabla ya kuendelea. Tengeneza akaunti yako na fuata maelekezo yaliyoandaliwa ili kufanya malipo.
Transcript	Kwa wauguzi wanaotuma maombi ya transcript kutoka TNMC. Tengeneza akaunti yako, pakia nyaraka, na fuata maelekezo ya kupata namba ya malipo.
Uthibitisho wa Taarifa (Information Verification)	Kwa wauguzi wanaohitaji uthibitisho wa usajili wao kutoka TNMC. Tengeneza akaunti, pakia nyaraka na fuata utaratibu wa malipo.

Kabla ya kutuma maombi, hakikisha umesoma mwongozo wa mtumiaji (User Manual) wa huduma husika kwa ajili ya maelezo ya kina.