Jinsi ya Kujisajili TAESA (Tanzania Employment Services Agency)

Ili kuanza mchakato wa kujisajili na TAESA, tembelea tovuti rasmi kupitia jobs.kazi.go.tz/portal. Kisha bofya sehemu iliyoandikwa Register au Jisajili. Utatakiwa kujaza taarifa zako binafsi kama vile jina kamili, tarehe ya kuzaliwa, jinsia, namba ya simu, barua pepe, na namba ya kitambulisho (NIDA). Hakikisha taarifa zote ni sahihi kabla ya kuendelea.

Baada ya kufanikiwa kuunda akaunti, ingia kwa kutumia jina la mtumiaji na nenosiri. Kwenye dashibodi yako, jaza taarifa za elimu (kuanzia shule ya msingi hadi chuo), ujuzi ulionao, uzoefu wa kazi (kama upo), na vyeti vya kitaaluma. Pia utaweza kupakia CV yako (kwa mfumo wa PDF) na vyeti muhimu vinavyohusiana na taaluma yako.

Baada ya kukamilisha taarifa zako, unaweza kuanza kutuma maombi ya kazi kupitia mfumo wa TAESA. Ajira mbalimbali hutangazwa mara kwa mara, hivyo ni muhimu kuingia mara kwa mara kuangalia fursa mpya. Unaweza pia kuweka job alerts ili kupokea taarifa mpya kupitia barua pepe au SMS.

• Pakua mwongozo hapa jinsi ya kujisajili/kujiunga TAESA

Vitu Muhimu vya Kuandaa Kabla ya Kujisajili TAESA:

• Barua pepe inayofanya kazi
• Namba ya simu inayopatikana
• Namba ya Kitambulisho cha Taifa (NIDA)
• CV yako iliyopangwa vizuri (kwa PDF)
• Vyeti vya elimu na taaluma (PDF)
• Taarifa zako binafsi (jina kamili, tarehe ya kuzaliwa, nk.)
• Uzoefu wa kazi (ikiwa unapatikana)
• Picha ndogo ya pasipoti (passport size photo, si lazima lakini ni vizuri kuwa nayo).